最新優惠情報 - 爆儲 Miles篇
【OMG！激抵全新渣打x Asia Miles萬事達信用卡！】By Tripfounder力蘇 | 2018
熱爆全城！渣打呢張同Asia Miles聯營嘅全新Master card，真是令力蘇我對渣打刮目相看！等我為大家總括這張卡嘅5大優點：
1）食肆、網上及海外簽賬都可以憑HK$4消費兌換1 mile，其他簽賬都可以用HK$6消費兌換1 mile； 2）因為是萬事達Master Card的緣故，這張卡比Cathay Pacific嘅American Express更容易簽到； 3）超爽迎新優惠：全新渣打信用卡客戶申請呢張卡可以在取Card兩個月內以HK$0.5消費換1 mile，最多可以換15,000里數（只需HK$7,500消費）。真係話咁快，就可以換取到一張來回台灣機票(15,000 mile)； 4）呢張卡會自動每月將你當月的消費兌換成里數，而且不收手續費！ 5）可以尊享比其他人早2天前於網上優先兌換精選折扣獎勵機票（折扣機票不定時由Asia Miles官方網推出）。 申請要求：年滿十八歲的香港居民，以及年薪不少於HK$240,000 想快啲出卡嘅朋友，可以而家即刻喺網上申請！(依家網上申請仲送多2000mile添) 【儲Miles申請邊張信用卡好呢？】（第1/5篇）
by Tripfounder力蘇 | 2015
平時用信用卡簽卡儲miles，平均都要HK$8 換1 Mile，就算碌DBS BLACK CARD都要HK$6 換1 Mile。換句話說，如果各位巴絲打只是想換一張來回台灣機票（價值15,000 miles），平均都需要簽HK$120,000（15,000 miles x HK$8）， 而最少都要簽HK$90,000（15,000 Miles x HK$6）！
可能有好多唔係成日簽貴嘢嘅朋友會心諗... 「唔係吓話，食咗N餐buffet，買咗M&N咁多件tee，睇戲睇到眼都矇，碌咗10幾萬先俾張可能喺fanfare只值HK$700嘅台灣機票我？有無搞錯！」 想用少啲錢碌卡儲Miles又想早人一步換機票？咁就一定要揀啱張信用卡、同埋用盡張卡啦。呢幾日力蘇就會同大家一連五篇分享信用卡儲Miles關鍵位： 《關鍵 1: 盡攞迎新優惠》 信用卡公司及銀行為咗吸引新客仔，通常都會推出好多唔同嘅迎新優惠，其中CITIBANK、DBS、AMERICAN EXPRESS及富邦銀行都喜歡用極高嘅Asia Miles獎賞作為開卡迎新優惠～ 以Citibank Premier Miles Visa Card 迎新優惠為例： 迎新優惠：首2個月簽滿HK$10,000即送8,000 Asia miles + 一般簽帳miles（HK$8 換1 Miles）: 簽HK$10,000有1,250 Asia miles 即話如果首2個月用Citibank Premier Miles Visa Card簽咗HK$10,000，即有9,250 miles！差唔多1蚊1 mile, 真係咪話唔吸引～ 可惜的是迎新優惠通常是one-off，指定日子（大概為開卡後1至3個月）過後，呢啲爆筍優惠就唔再適用。所以大家申請前最好想想有無特別嘢買，如果有的話，就可以申請定1張迎新優惠好啲嘅信用卡，並於迎新期內集中火力，簽多啲攞盡佢地嘅迎新miles！如果暫時諗唔到有特別嘢買或其他消費的話，力蘇就建議大家唔好申請住，費事浪費咁少有同咁筍嘅儲miles機會啦 (*ﾟ∀ﾟ*) 【儲Miles申請邊張信用卡好呢？】（第2/5篇）
by Tripfounder力蘇 | 2015
前一排，有一個朋友同力蘇訴大苦水，佢話佢之前申請一張市面好受歡迎的信用卡（係標榜送好多Miles嗰張）覺得好唔抵... 咁我問佢點解啦，係唔係申請左卡之後無特別嘢簽，浪費咗嗰超筍迎新優惠期呀？佢話唔係，其實佢都想攞盡啲迎新優惠，而佢知自己就黎要交3萬蚊嘅大學進修費先去申請張卡...... 咁究竟點解佢咁唔憤氣呢? 睇睇今日要同大家分享嘅信用卡儲Miles關鍵位: 《關鍵 2：要留意AE、VISA、MASTER、JCB、銀聯嘅廣泛性》 謎底解開：那位朋友覺得唔抵嘅原因係佢擇錯咗張信用卡！ 原來佢申請嘅信用卡係CX的AE尊貴聯營卡，呢張卡其實好正，網上申請送1,000 Miles、於首3個月內簽賬滿HK$5,000再送5,000 Miles，但係AE卡唔係度度都簽得卻是殘酷的事實，好似朋友想簽的大學進修費則只能簽VISA和MASTER CARD。 喺香港，由於AE（American Express）向商戶收取較高的手續費，以至一般中小型餐廳、舖頭通常都只可以比客人碌手續費較低的VISA、MASTER CARD；另外，JCB及銀聯屬後起之秀，於香港普及率依然偏低。所以提提大家，選擇新卡儲Miles時，記得要諗諗自己可以輕易簽到嗰張卡呀～ 如果出咗香港去到海外，唔同信用卡嘅普及率就會唔同咗。好似日本咁，除左日本品牌JCB卡外，其實可以使用銀聯的商戶都唔少，例如喺大阪心齋橋附近嘅商店可以隨處見到「歡迎使用銀聯」海報；喺大陸相信唔使多講，銀聯係當地最普遍的卡種；其餘世界大部分國家則以使用VISA及MASTER為主。 後記： 最後由於那位朋友俾學費都要用3萬蚊，唔想再周圍花錢買野，加上佢話自己谷住道氣唔想再用張AE卡周圍搵地方消費，最後佢連額外的5,000迎新Miles都攞唔到... (´ﾟдﾟ`) 【儲Miles申請邊張信用卡好呢？】（第3/5篇）
by Tripfounder力蘇 | 2015
前兩篇同大家介紹過，信用卡嘅迎新優惠真係最吸引，簽帳少，Miles多。但是迎新期過後，大家又要回到揼石仔（簽帳多，Miles少）的階段。 今日力蘇會為大家介紹迎新優惠後的關鍵位，希望大家可以快些儲夠Miles換機票。 《關鍵 3：留意迎新期過後，簽帳額幾多可以換到1 Mile？》 迎新優惠後，大家使用信用卡儲Miles就不可以好似之前咁快，而要靠密密簽帳來儲Miles。因此，簽帳額幾多可以換到1 Mile便是選擇新卡的關鍵位之一！ 究竟現時香港的信用卡中（撇除個別信用卡特別迎新、飲食、零售送Miles優惠），邊張信用卡可以用最少的簽帳換1 Mile呢？ 答案應該是渣打銀行American Express信用卡, 佢只需HK$5簽帳換1 Mile，簽帳1萬便有2,000 Miles，冠絕全港。其次是DBS Black Card - Master/ AE 及Citi Prestige Master Card，只需用HK$6簽帳換1 Mile，簽1萬蚊便有1,667 Miles。其餘信用卡大部分以簽帳HK$8 – HK$16換1Mile不等。 如果你有多張信用卡，今日就要check一次，看看邊張卡可以換到最多Miles，然後集中使用該卡簽帳啦。你諗一諗$5 - $6換1 Mile與$10 - $16換1 Mile真是相差好遠好遠呀～ 既然都要簽卡，梗係要揀一張換到多Miles的信用卡去簽啦！ 【儲Miles申請邊張信用卡好呢？】（第4/5篇）
by Tripfounder力蘇 | 2015
嚟到第四篇，出條無聊IQ題比大家輕鬆吓：
哥C奶係好精明嘅太太，佢格晒價做晒功課，申請張迎新優惠最吸引、周圍都簽到同埋好易儲miles嘅信用卡，佢不停碌不停碌，轉個頭就碌咗10幾萬，點解佢最後1 mile都換唔到呢？（悲劇啊！） A. 哥先生話佢太大洗，唔俾佢換任何野，以示警戒 B. 哥C奶行街嗰陣太興奮，一時忘形唔見咗張卡 C. 唔係吓嘩！？信用卡啲積分過咗期！ 答案當然係A...至奇，其實係C。係真㗎，積分過咗期銀行係絕對有權自動註銷你未兌換的積分！ 《關鍵 4 : 留意信用卡積分有否過期日》 市面上好多張信用卡都設有積分過期日，積分過咗期，辛苦儲到的積分一嘢就無咗，就算做好前面3篇所講嘅嘢都會前功盡廢╰(〒皿〒)╯ 如果驚自己大頭蝦，其實可以選擇一啲無積分到期日嘅信用卡，例如DBS BLACK CARD 同 CITIBANK PREMIER MILES CARD， 兩張卡都不設積分過期日，你想幾時換Miles都得，咁就唔驚D積分過期換唔到Miles啦！ 即使積分有過期日，但係如果你發覺有一張信用卡嘅迎新優惠好吸引，你真係好想申請同埋Keep住用嘅話，其實你亦大可以申請，最緊要留意同記低幾時過期就得喇～ 後記： 無聊IQ題答案唔係A同B，因為哥先生根本就唔敢話哥C奶，如果真係話咗，哥先生只有一個下場，就係比哥C奶噴火燒死；另外，如果哥C奶唔見咗張卡，其實只要啲積分未到期，銀行一樣有佢嘅資料，可以幫佢換番啲miles～ 【儲Miles申請邊張信用卡好呢？】（第5/5篇）
by Tripfounder力蘇 | 2015
最終篇啦！！之前同大家講過迎新優惠、信用卡類別的廣泛性、簽帳換miles以致要留意信用卡積分過期日等等，今日輪都輪到講講真真正正換miles嘅階段啦～
朋友可能會疑惑換miles咪換miles，積分儲左一大堆、啲分又未過期，最多咪上網填份form，有乜特別!? 《關鍵 5 : 申請新卡時務必留意換miles條款》 其實，我哋精銀行都唔笨，有啲銀行正正就係知道我哋由申請新卡開始到換miles階段，最少都一年半載甚至更長，只要把嗰啲較掠水嘅條款放到換miles階段，就可以博我哋呢班忙到抽筋的消費者留意唔到；到我地同佢申請換miles時，通常都為咗唔好浪費辛苦儲到的積分局食佢啲條款 (☉д⊙) 呢啲條款大概會包括以下各點：
【嘩！食飯儲Miles可能仲快過碌信用卡!!!】
By Tripfounder力蘇 | 2015 updated
大家可能都知坊間信用卡公司嘅儲Miles計劃通常由HK$6 - 8換1 mile不等，但係原來只要惠顧一些指定餐廳滿$300或以上，Asia Miles本身都會送Miles俾你，而且仲係2元消費送1 mile，無論你俾cash、信用卡定現金券都得！
睇睇佢地指定嘅餐廳List： Asia Miles x 儲Miles小貼士指定嘅餐廳List 指定嘅餐廳雖然係以中高檔為主，但係都不失一些平民普及啲嘅餐廳。 依家儲Miles真係愈來愈難，特價機票又淨係得25% miles比人儲，食飯儲Miles呢招希望幫到大家啦！ |
要留多啲錢去Shopping？訂酒店梗係要精明～
想知多啲著數資訊就入來睇下喇！   |
