越南河內4日3夜/3日2夜大滿足充實之旅 - DAY 1 (中) - Tripfounder.com 旅遊。自己創造 Pay Less . Play More!

【越南河內4日3夜/3日2夜大滿足充實之旅之旅。DAY 1（中）】

--> 從Day 1 (上) 開始看

越南第一餐

放低行李後，我哋去酒店34/F大堂唱錢
(係香港基本上比較難唱到越南盾，如果唔想去到河內一D不良嘅找換店，
我哋建議可以係酒店唱，Lotte的對換率亦相當合理)，
然後就去樓下的樂天百貨食lunch。

嚟到樂天Mall的餐廳樓層，發覺呢度有唔少餐廳選擇，連School Food都有...

可惜，這裡唯一一間越南餐廳無開門，我地最後選了間泰國餐廳食第一餐，點了一個金邊粉、一個泰式海鮮炒飯、2杯特飲，都係420,000盾，約$150港紙，算是唔貴唔平啦~

西湖邊漫步

由於初到越南，力蘇同我都想細味多一點丶感受多一點，我哋決定由酒店步行至西湖，大概15分鐘就可以到達。
沿途可見越南人喜歡三五成群坐低飲茶丶飲咖啡丶好多電單車喺馬路上穿插，很熱鬧哦！

到了西湖，感覺寧靜清幽，比杭州西湖，這裡的旅客相對少，大家可以輕鬆漫步。

越南的咖啡喺香港都幾有名氣，喺河內當然唔野小啦！
喺西湖邊，我們隨處可以見到一些裝修別緻的cafe~

直闖越南版天安門

越南天安門？其實是越南的主席府、胡志明陵、胡志明故居及巴亭廣場 (由西湖邊步行約30分鐘可以到達)。
一場嚟到，力蘇第一時間就衝過去同胡志明陵附近自拍，點知...「咇、咇丶咇」一個士官以0.1秒嘅時間吹鷄阻止力蘇，
原來佢地因為保安理由喺地下劃了一條介缐，任何人不得超越...
哈哈...於是我同力蘇就企喺介缐邊自拍算了=p

主席府與巴亭廣場 (有少少背光)

胡志明陵...大家要留意地下的黃線(下圖左下方), 切勿越過呀! 否則附近的士兵(下圖中間白衫的士兵大哥)就會大為緊張~

坐河內巴士回酒店

遊覽了胡志明紀念廣場後，我們便坐巴士回酒店。
在河內坐巴士，也不是十分難，最緊要有google map (當然要預先租定wifi蛋啦)，
知道自己酒店附近的巴士號碼，再對一對上車的方向，就沒大問題了。
坐巴士所需要的時間雖然會比較長，但勝在價錢劃一每人7000越南盾，約$2.5港紙，唔駛講價，仲可以慢慢欣賞沿途風景呢！
大概30分鐘左右，我哋返到酒店。