杜拜5日4夜超刺激、超豪華玩樂之旅
想由Day 1 (part 1) 開始睇起,可以到以下link:
Day 2 (Part 2)
由於不少餐廳未開,我地在市集吃了個Starbucks 三明治及咖啡作午餐。
餐後,就坐的士到今日重點,Palm island - Atlantis Palm Resort ,的士車程大概20分鐘。 |
|
Atlantis Palm Resort
的士在酒店正門放下我地,哇,一睇,呢度嘅大堂好靚好有度假feel ,連大堂上的牆都油滿了古希臘式的壁畫。checkin 時,酒店推介特價AED200一人任選在幾間酒店的餐廳,由於Dan哥唔想走出去找餐廳,我地也選了這計劃。
上房喇,房間如預期一樣,好大好靚,仲有露台添。
講一講呢間酒店特色,除了位處Dubai 出名的palm island (棕櫚島)中央、裝修橫溢外,酒店的房費(最平約港幣$1,300一晚)是包括了雙人入住時間無限次進出酒店旁的Dubai Atlantis Aquaventure Waterpark 水上樂園 同 The Lost Chamber Aquarium 水族館,認真超抵!! (如果純買這兩張入場卷,VaVa搵到最平都要港幣$650一位)
想book 這間Atlantis Palm Resort,大家可以到我們的全球格價系統格格價,或睇睇Tripfounder x Agoda 至抵優惠價:
Atlantic 水上樂園
稍作休息後,我地立即衝過去Aquaventure Waterpark玩番夠本!!
呢個水上樂園都唔算細,我地由3點開始玩,一直玩到6點關門,都玩唔曬。雖然水上樂園 大部份活動都有1.2米的高度限制,但這裡也設上較低限制的兒童遊樂專區,適合一家大細,盡情玩水一番。
Resort Dinner Buffet
我地玩到個樂園收工,就回酒店沐浴更衣。小休後,決戰酒店的dinner buffet =p
哇,呢個自助餐有幾多野食,一埸來杜拜,當然要食多D中東菜啦,另外,pizza 同個印度咖哩羊肉都好好食。
食飽飽後,我地仲有一個景點,就係The lost chambers 水族館,持有酒店房卡就可以免費進入。入門口前,同水龍王影張相先^^
The Lost Chambers "消失的密室?!"
進入水族館,即比一群大魚小魚包圍住,當中唔少得鯊魚丶魔鬼魚、海龜、珊瑚魚...以落地大玻璃造成的大魚缸,讓你仿似置身於大海中心一樣,The lost Chamber 大概就是這意思吧!感覺好正呀!
在這「消失的密室」大概1小時,我地帶着一片片海洋世界的景象回酒店房間休息睡覺ZZzzzz,期待明天的Marvel 樂園再大玩特玩一番。