深圳快閃1日遊

by Tripfounder 小Boo | 28 Aug 2016

走過浮華大地，日韓、英、美、法、澳紐都走遍... 反而中國就好少去，
如果annual leave已經用晒，但係仲有一顆「我要去旅行」嘅心，
​都可以考慮吓去一日快閃深圳之旅，食下火鍋兼行下街。

1）從香港去深圳交通

​而家搭巴士去深圳都好方便，可以搭城巴B3從屯門去深圳灣，又可以坐直通巴士（路線網頁）。
​而我哋今次就揀坐東鐵。

由旺角東坐到上水站落一落車再上車坐到落馬州
（咁樣落一落車可以慳$3.9㗎！當然嫌麻煩可以直接坐去落馬州喇）。

旺角東去上水（36分鐘）= 成人八達通 $10.2
上水去落馬州（12分鐘）= $24（全程共$34.2）
如果唔落車，旺角東去落馬州（46分鐘）= $38.1

​記得喺上水出咗閘要等一分鐘先入得返閘​，
​如果阻住道閘，就會比後面啲水貨大媽大叔鬧㗎喇...

​終於到咗落馬州福田口岸。

​週末有不少人，不過唔算好迫。

​又來到小編最愛的e道，終於開始有啲旅行feel。
出香港境之後行一條天橋就去到大陸嘅入境區，
​記得如果你張回鄉証無申請大陸版e道，就要去海關嗰邊排隊。
​在大陸e道阻住後面嘅大媽大叔，又係會被鬧被推，好慘慘豬㗎！

► 2) 搭深圳地鐵，繼續快閃深圳！